Signum Crucis (Sign of the Cross)
In nómine Patris et Fílii et Spíritus Sáncti. Amen
Credo – Symbolum Apostolorum (Apostle’s Creed)
Crédo in Déum Pátrem omnipoténtem,
Creatórem cœli et térræ.
Et in Iésum Chrístum, Fílium éius unícum, Dóminum nóstrum :
qui concéptus est de Spíritu Sáncto,
nátus ex María Vírgine,
pássus sub Póntio Piláto,
crucifíxus, mórtuus, et sepúltus :
descéndit ad ínferos :
tértia die resurréxit a mórtuis :
ascéndit ad cœlos :
sédet ad déxteram Déi Pátris omnipoténtis :
índe ventúrus est iudicáre vívos et mórtuos.
Crédo in Spíritum Sánctum,
sánctam Ecclésiam Cathólicam,
Sanctórum Communiónem,
remissiónem peccatórum,
cárnis resurrectiónem,
vítam ætérnam.
Amen.
Páter Nóster (Our Father)
Páter Nóster,
Qui es in cælis,
sanctificétur nómen túum.
Advéniat régnum túum,
fíat volúntus túa,
sícut in cælo et in térra.
Pánem nóstrum quotidiánum da nóbis hódie,
et dimítte nóbis débita nóstra,
sícut et nos dimíttimus debitóribus nóstris.
Et ne nos indúcas in tentatiónem:
sed líbera nos a málo.
Amen.
Áve María (Hail Mary)
Áve María,
grátia pléna,
Dóminus técum.
Benedícta tu in muliéribus,
et benedíctus frúctus véntris túi, Iésus.
Sáncta María,
Máter Déi,
óra pro nóbis peccatóribus,
nunc, et in hóra mórtis nóstræ.
Amen.
Glória Pátri (Glory Be)
Glória Pátri, et Fílio, et Spirítui Sáncto.
Sícut érat in princípio,
et nunc, et sémper,
et in sæcula sæculórum.
Amen.
Oratio Fatima
O mi Iesu,
dimítte nobis débita nostra ;
líbera nos ab igne inférni ;
conduc in cælum omnes ánimas,
præsértim illas quæ máxime índigent misericórdia tua.
Declare today’s Mystery
Go to today’s Mystery group selecting the mystery appropriate to the next rosary decade
(i.e. decade one – first Mystery, decade two – Second mystery and so on).
Closing Prayers
Salve Regina (Hail Holy Queen)
Sálve Regína, Máter misericórdiæ!
Víta, dulcédo, et spes nóstra, sálve.
Ad te clamámus, éxsules fílii Hévæ.
Ad te suspirámus,
geméntes et fléntes in hac lacrimárum válle.
Éia érgo, Advocáta nóstra,
íllos túos misericórdes óculos ad nos convérte.
Et Iésum, benedíctum frúctum véntris túi,
nóbis post hoc exsílium osténde.
O clémens, O pía, O dúlcis* Vírgo María!
℣. Óra pro nóbis, Sáncta Déi Génetrix.
℟. Ut dígni efficiámur promissiónibus Chrísti. Amen.
Memoráre (optional)
Memoráre, o piíssima Virgo María, non esse audítum a sæculo, quemquam ad tua
curréntem præsídia, tua implorántem auxília, tua peténtem suffrágia, esse derelíctum.
Ego tali animátus confidéntia ad te, Virgo Vírginum, Mater, cúrro ; ad te vénio ;
coram te gemens peccátor assísto. Noli, Mater Verbi, verba mea despícere, sed audi
propítia et exáudi.
Amen.
Orémus (The Rosary Prayer)
Orémus: Déus, cújus Unigénitus
per vítam, mórtem et resurrectiónem
súam nóbis salútis ætérnæ præmia comparávit :
concéde, quæsumus :
ut hæc mystéria sacratíssimo beátæ Maríæ
Vírginis Rosário recoléntes,
et imitémur quod cóntinent,
et quod promíttunt, assequámur.
Per eúndem Chrístum Dóminum nóstrum.
Amen.
Oratio ad Sanctum Michael (optional)
Per túum præsidium:
Sáncte Michaël Archángele, defénde nos in prœlio,
contra nequítiam et insídias diáboli esto præsídium.
Impéret illi Déus, súpplices deprecámur :
tuque, Prínceps milítiæ cæléstis,
Sátanam aliósque spíritus malígnos,
qui ad perditiónem animárum pervagántur in mundo,
divína virtúte, in inférnum detrúde.
Amen.
End With a Sign of the Cross
In nómine Patris et Fílii et Spíritus Sáncti. Amen